كيفية الوصول للإبداع

Graphics

1 تعليق

2018-11-12

Hossam Mokhtar

2069 مشاهدة

كيفية الوصول للإبداع

الابدا

احد اهم الحاجات اللي كل الناس بيتدور عليها خصوصا المبتدئين وناس كتير جدا مش بتركز على انها تنمي مهارتها من خلال انها تركز على جزئية الابداع

 الابداع من اهم ادوات المصمم اللي ممكن يتحاسب عليها وكمان بتخلي سعره اكبر في السوق

"الابداع لية طرق كتير. تحصيل الابداع مش حاجة معقدة هي حاجة بس "عاوز تتفهم

اولا المبدع دة بيكون حاجة من 3

اولهم هو انه يكون دارس اسس تصميم بيمشي عليها من اول ما يبدا يفكر في فكرة التصميم
وتاني حاجة انه يكون عنده موهبة مخلوق بيها ودي مش بيكون ليه دخل فيها الا انه بينميها يوم ورا يوم
والتالتة انه يكون عنده الحاجتين يعني دارس اسس تصميم وكمان عنده الموهبة ودي بتكون اكبر مرحلة في الابداع
يجي حد ويقولك طيب وانا اجيب الموهبة منين ويجيله احباط من الموضوع
نرجع نقوله اشتغل على اللي تقدر عليه واللي تقدر تغيره عشان توصل لدرجة اعلى
غير انك كل ما بتشتغل على نفسك اكتر بتوصل لمرحلة اعلى واعلى ودة مفيش فيه فصال
نوصل بقى لنقطة التغذية البصرية اللي بيكون عليها اكبر عامل في الشغل بتاعنا

التغذية البصرية هي انك تتفرج على شغل كتير داخل مجالك او تخصصك ودة بيخلي عقلك يفكر بطريقة اقوي واحسن
وتقدر تعمل الموضوع دة من خلال انك تخش على مواقع زي
Behance
Pinterest
Dribble
او حتى جوجل صور وتعمل بحث في الحاجة اللي انت تخصصت فيها او حددتها في بداية مشوارك في مجال التصميم